കനത്ത മഴ: തിരുവനന്തപുരത്ത് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു
Nov 26, 2021, 11:20 IST
തിരുവനന്തപുരം: ശക്തമായ മഴ തുടരുന്ന സാഹചര്യത്തില് തിരുവനന്തപുരം ജില്ലയിലെ പ്രൊഫഷണൽ കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്ക് ജില്ലാ കളക്ടർ അവധി പ്രഖ്യാപിച്ചു. സംസ്ഥാനത്ത് അഞ്ചു ദിവസം കൂടി ഒറ്റപ്പെട്ട ശക്തമായ മഴ തുടരുമെന്ന് കാലാവസ്ഥാ വകുപ്പ് അറിയിച്ചു. ബംഗാൾ ഉൾക്കടലിൽ തെക്കുപടിഞ്ഞാറായി രൂപംകൊണ്ട ചക്രവാതച്ചുഴി ശ്രീലങ്കയുടെ തെക്കു ഭാഗത്ത് നിലനിൽക്കുകയാണ്. ബംഗാൾ ഉൾക്കടലിൽ ആൻഡമാൻ ഭാഗത്ത് പുതിയ ന്യൂനമർദം തിങ്കളാഴ്ചയോടെ രൂപപ്പെടും. ഇത് കടൽവഴി പടിഞ്ഞാറ്-വടക്ക് ഭാഗത്ത് ഇന്ത്യൻ തീരത്തേക്കു നീങ്ങുമെന്നാണു മുന്നറിയിപ്പ്.