പൂജപ്പുരയിൽ ഇരട്ട കൊലപാതകം ; അച്ഛനും മകനും കുത്തേറ്റു മരിച്ചു; മരുമകൻ കസ്റ്റഡിയിൽ
Oct 13, 2021, 10:09 IST
തിരുവനന്തപുരം: പൂജപ്പുരയിൽ അച്ഛനും മകനും മരുമകന്റെ കുത്തേറ്റ് മരിച്ചു. മുടവന്മുകളില് താമസിക്കുന്ന സുനിൽ, മകൻ അഖിൽ എന്നിവരാണ് കുത്തേറ്റ് മരിച്ചത്. സംഭവത്തിൽ സുനിന്റെ മരുമകനായ അരുണിനെ പോലീസ് കസ്റ്റഡിയിലെടുത്തിട്ടുണ്ട് . കുടുംബ വഴക്കാണ് കൊലപാതകത്തിൽ കലാശിച്ചതെന്നാണ് പോലീസിന്റെ പ്രാഥമിക നിഗമനം.
ചൊവ്വാഴ്ച രാത്രി എട്ടോടെയാണ്സം നാടിനെ നടുക്കിയ സംഭവം നടന്നത് . മുടവന്മുകളിലെ വീട്ടിലെത്തിയ അരുൺ വഴക്കുണ്ടാക്കുകയും കൈയിൽ കരുതിയ കത്തിയെടുത്ത് സുനിലിനെയും മകനെയും കുത്തുകയുമായിരുന്നു.അപകടത്തിൽ സുനിലിന്റെ കഴുത്തിലും അഖിലിന്റെ നെഞ്ചിലുമാണ് കുത്തേറ്റത്.
ഗുരുതരമായി പരിക്കേറ്റ ഇരുവരെയും തിരുവനന്തപുരം മെഡിക്കൽ കോളജ് ആശുപത്രി എത്തിച്ചെങ്കിലും ജീവൻ രക്ഷിക്കാനായില്ല. അതെസമയം കൊലപാതക ശേഷം ഓടി രക്ഷപെടാൻ ശ്രമിച്ച അരുണിനെ പൂജപ്പുര ജംഗ്ഷനിൽ വച്ച് പൂജപ്പുര പോലീസ് പിടികൂടി.