കേരളത്തിൽ സാമ്പത്തിക പ്രതിസന്ധി സൃഷ്ടിക്കാൻ കേന്ദ്രം ശ്രമിക്കുന്നു: മുഖ്യമന്ത്രി പിണറായി  വിജയൻ

ബിജെപി ഭരിക്കുന്ന കേന്ദ്രം തങ്ങളുടെ വിവിധ നയങ്ങളിലൂടെ ദക്ഷിണേന്ത്യയിൽ സാമ്പത്തിക പ്രതിസന്ധി സൃഷ്ടിക്കാനും ഫെഡറൽ ഘടനയെ തകർക്കാനും ശ്രമിക്കുന്നുവെന്നും കോൺഗ്രസിന്റെ നേതൃത്വത്തിലുള്ള യുഡിഎഫ് ഇതിന് നിശബ്ദ കാഴ്ച്ചക്കാരാണെന്നും  മുഖ്യമന്ത്രി പിണറായി വിജയൻ കുറ്റപ്പെടുത്തി.

നികുതി പിരിവ്, ആഭ്യന്തര ഉൽപ്പാദനം, അടിസ്ഥാന സൗകര്യ വികസനം എന്നിവയിൽ അഭൂതപൂർവമായ നേട്ടം കൈവരിച്ചിട്ടും കേരളത്തോട് കേന്ദ്ര സർക്കാർ അവഗണനയും വിവേചനവും കാണിക്കുന്നുവെന്ന്  അദ്ദേഹം  പറഞ്ഞു. വൈകിട്ട് ഉദുമ നിയോജക മണ്ഡലത്തിൽ നവകേരള സദസ്സിൽ സംസാരിക്കവെ, 2016ൽ വീണ്ടും അധികാരത്തിൽ വന്നതു മുതൽ കേന്ദ്രസർക്കാർ വിവിധ നയങ്ങളിലൂടെ ഇടതുസർക്കാരിനെ സാമ്പത്തികമായി കഴുത്തുഞെരിക്കുകയാണെന്ന് മുഖ്യമന്ത്രി പറഞ്ഞു.