എടക്കര ടൗണില്‍ കഞ്ചാവുചെടി കണ്ടെത്തി
Nov 17, 2023, 19:26 IST
എടക്കര: ടൗണില്‍ കെ.എന്‍.ജി റോഡരികില്‍ നടപ്പാതയോട് ചേര്‍ന്നുള്ള കഞ്ചാവുചെടി എക്‌സൈസ് സംഘം പിടിച്ചെടുത്തു. സംശയം തോന്നിയ നാട്ടുകാരാണ് എക്‌സൈസ് അധികൃതരെ വിവരം അറിയിച്ചത്. നിലമ്പൂര്‍ എക്‌സൈസ് റേഞ്ച് ഇന്‍സ്‌പെക്ടര്‍ സി. സന്തോഷിന്റെ നേതൃത്വത്തിൽ പ്രിവന്റിവ് ഓഫിസര്‍ റെജി തോമസ്, സിവില്‍ എക്‌സൈസ് ഓഫിസര്‍മാരായ രാകേഷ്, ചന്ദ്രന്‍, ആബിദ്, എബിന്‍, സണ്ണി, രാജീവ് എന്നിവരടങ്ങിയ സംഘമെത്തിയാണ് 25 സെ.മീ. നീളമുള്ള കഞ്ചാവുചെടി പിടിച്ചെടുത്തത്. എടക്കര ടൗണില്‍ ഇത്തരത്തില്‍ കഞ്ചാവുചെടി വളര്‍ന്ന സാഹചര്യത്തെക്കുറിച്ചും ഇതിന് പിന്നിലെ ആളുകളെക്കുറിച്ചും അന്വേഷണം ആരംഭിച്ചതായി അധികൃതര്‍ പറഞ്ഞു.