ഇടുക്കി : വട്ടവടയില് നാളെ ഹര്ത്താല് പ്രഖ്യാപിച്ച് ബിജെപി. എല്ഡിഎഫ് പ്രവര്ത്തകര് ബിജെപി പ്രവര്ത്തകരെ മര്ദിച്ചതില് പ്രതിഷേധിച്ചാണ് നാളെ ഹര്ത്താല് നടത്തുന്നത്. ആക്രമണത്തിന് നേതൃത്വം നല്കിയ സിപിഐ സ്ഥാനാര്ഥി രാമരാജിനെ അറസ്റ്റ് ചെയ്യണമെന്ന് ആവശ്യപ്പെട്ട് രാവിലെ ഒമ്പത് മുതല് വൈകിട്ട് ആറ് വരെയാണ് ഹര്ത്താല് ആചരിക്കുന്നത്.
അതേസമയം, പള്ളുരുത്തിയില് കള്ളവോട്ട് ചെയ്യാന് ശ്രമിച്ച സിപിഎം പ്രവര്ത്തകന് പിടിയില്. നമ്പ്യാപുരത്ത് കള്ളവോട്ടിന് ശ്രമിച്ച ജിന്സനാണ് പൊലീസിന്റെ പിടിയിലായത്. ഇതിന് പിന്നാലെ പ്രദേശത്ത് സംഘര്ഷാവസ്ഥ തുടരുകയാണ്.ഇടുക്കിയിലെ വട്ടവട പഞ്ചായത്തിലെ കടവരി വാര്ഡിലും കള്ളവോട്ടിനെ ചൊല്ലി ബിജെപി- സിപിഎം സംഘര്ഷം നടന്നിരുന്നു.