കൊച്ചി: കളമശേരിയില് ഷൺഡിംഗിനിടെ ചരക്ക് ട്രെയിനിന്റെ എന്ജിന് പാളം തെറ്റിയതിനെ തുടര്ന്ന് താറുമാറായ ട്രെയിന് ഗതാഗതം പുനഃസ്ഥാപിച്ചു. എഫ്എസിടിയിലെ ചരക്ക് കൊണ്ടുപോകുന്ന ട്രെയിന്റെ എൻജിനാണ് നിയന്ത്രണം തെറ്റി ഇലക്ട്രിക് പോസ്റ്റിലിടിച്ചത്. അപകടത്തെ തുടര്ന്ന് പല ട്രെയിനുകളും ഏറെ വൈകിയാണ് സ്റ്റേഷനുകളില് എത്തിയത്.
ഉച്ചയ്ക്ക് 2.30 ടെ കളമശേരിയില് നിന്ന് സര്വീസ് തുടങ്ങുമ്പോഴായിരുന്നു അപകടം. ഷണ്ഡിങ് ചെയ്യുന്നതിനിടയില് റെയില് പാളം അവസാനിക്കുന്നതിനിടത്തുള്ള ബാരിക്കേഡ് മറികടന്ന് മുന്നോട്ട് പോയി ഇലക്ട്രിക് പോസ്റ്റില് ഇടിച്ചാണ് പാളം തെറ്റിയത്. പിന്നാലെ തൃശൂരിലേക്കുള്ള റെയില്വേ ട്രാക്കില് ഗതാഗതം നിലച്ചു. ഇതോടെ നാലുമണിക്കൂര് നീണ്ട പരിശ്രമത്തിനൊടുവില് പണി പൂര്ത്തിയാക്കി ട്രെയിന് ഗതാഗതം പുനഃസ്ഥാപിക്കുകയായിരുന്നു.