നാളെ ഹർത്താൽ :ക്രമസമാധാനപാലത്തിനായി സംസ്ഥാനത്തെ മുഴുവന് പോലീസ് സേനാംഗങ്ങളെയും നിയോഗിക്കും
തിരുവനന്തപുരം: സംസ്ഥാന പോലീസ് മേധാവി അനില് കാന്ത് എല്ലാ ജില്ലാ പോലീസ് മേധാവിമാര്ക്കും ക്രമസമാധാന പാലനത്തിന് ആവശ്യമായ നടപടികള് ഹര്ത്താല് ദിനമായ വെള്ളിയാഴ്ച സ്വീകരിക്കാന് നിര്ദ്ദേശം നല്കി.
അക്രമത്തില് ഏര്പ്പെടുന്നവർ, നിയമലംഘകര്, കടകള് നിര്ബന്ധമായി അടപ്പിക്കുന്നവര് എന്നിവര്ക്കെതിരെ കേസെടുത്ത് ഉടനടി അറസ്റ്റ് ചെയ്യും. പൊതുസ്ഥലങ്ങളില് സമരക്കാര് കൂട്ടംകൂടാതിരിക്കാന് പോലീസ് ശ്രദ്ധ ചെലുത്തും. കരുതല് തടങ്കലിനും ആവശ്യമെങ്കില് നിര്ദേശിച്ചിട്ടുണ്ട്. ക്രമസമാധാനപാലത്തിനായി സംസ്ഥാനത്തെ മുഴുവന് പോലീസ് സേനാംഗങ്ങളെയും നിയോഗിക്കും. റേഞ്ച് ഡിഐജിമാർ, സോണല് ഐജിമാര്, ക്രമസമാധാന വിഭാഗം എഡിജിപി എന്നിവര്ക്കാണ് ജില്ലാ പോലീസ് മേധാവിമാരുടെ നിയന്ത്രണത്തിലുളള സുരക്ഷാക്രമീകരണങ്ങളുടെ മേല്നോട്ട ചുമതല .