ശബരി എക്സ്പ്രസ് പുറപ്പെടുന്ന സമയത്തിൽ മാറ്റം
Aug 6, 2022, 20:40 IST
തിരുവനന്തപുരം: ഞായറാഴ്ച ദിവസങ്ങളിൽ ഒഴികെ ശബരി എക്സ്പ്രസ് പുറപ്പെടുന്ന സമയത്തിൽ താത്ക്കാലികമായി മാറ്റം വരുത്തിയതായി റെയിൽവേ അറിയിച്ചു. തിരുവനന്തപുരം സെൻട്രലിൽ നിന്ന് രാവിലെ ഏഴിനു പുറപ്പെടേണ്ട ട്രെയിൻ തിങ്കളാഴ്ച മുതൽ സെപ്റ്റംബർ ഏഴു വരെ രാവിലെ 10.30 ന് ആയിരിക്കും പുറപ്പെടുക. ഞായറാഴ്ചകളിൽ രാവിലെ ഏഴിനു തന്നെ പുറപ്പെടും. ടാറ്റാനഗർ - എറണാകുളം ജംഗ്ഷൻ പ്രതിവാര ട്രെയിൻ ഈ മാസം ഏഴ്, 14, 21, 28, സെപ്റ്റംബർ മൂന്ന് എന്നീ തീയതികളിൽ ചെന്നൈ ഡിവിഷൻ പരിധിയിൽ ഒന്നര മണിക്കൂർ പിടിച്ചിടും. ട്രാക്കിൽ അറ്റകുറ്റപ്പണികൾ നടക്കുന്നതിനാലാണ് ഈ ക്രമീകരണമെന്ന് റെയിൽവേ അറിയിച്ചു.