കത്തോലിക്കാ കോൺഗ്രസ് ഗ്ലോബൽ സെക്രട്ടറി വാഹനാപകടത്തിൽ മരിച്ചു
Aug 1, 2022, 09:11 IST
കോഴിക്കോട്: കത്തോലിക്ക കോൺഗ്രസ് ഗ്ലോബൽ സെക്രട്ടറിയും താമരശേരി രൂപത കത്തോലിക്ക കോൺഗ്രസ് മുൻ പ്രസിഡന്റുമായ ബേബി പെരിമാലിൽ വാഹനാപകടത്തിൽ മരിച്ചു. ഇന്ന് പുലർച്ചെയുണ്ടായ വാഹനാപകടത്തിൽ ഗുരുതര പരിക്കേറ്റതിനെ തുടർന്നാണ് മരണം സംഭവിച്ചത്.എറണാകുളത്ത് ഒരു പരിപാടിയിൽ പങ്കെടുത്തതിന് ശേഷം കോഴിക്കോട് നിന്ന് വീട്ടിലേക്ക് സ്കൂട്ടറിൽ വരുന്നതിനിടെ മണാശേരിയിൽ വച്ച് എതിരെ വന്ന കാർ ഇടിക്കുകയായിരുന്നു. രക്തം വാർന്നാണ് മരിച്ചതെന്നാണ് പ്രാഥമിക വിവരം. സംഭവത്തിന് ശേഷം നിർത്താതെ പോയ കാറിനെ കുറിച്ചുള്ള വിവരങ്ങൾ പോലീസ് അന്വേഷിക്കുന്നുണ്ട്.