കോഴിക്കോട്: കരിപ്പുർ വിമാനത്താവളം വഴി കടത്തിയ എംഡിഎംഎയുമായി ഒരു സ്ത്രീയടക്കം 4 പേർ അറസ്റ്റിൽ. മസ്‌കറ്റിൽ നിന്ന്‌ വന്ന എയർ ഇന്ത്യ എക്‌സ്‌പ്രസ്‌–338 വഴി കടത്തിയ ഒരു കിലോ എംഡിഎയാണ്‌ പിടികൂടിയത്‌.
പത്തനംതിട്ട സ്വദേശി സൂര്യ വിമാനത്താവളം വഴി എം ഡി എം എ കടത്തുകയായിരുന്നു. പുറത്തിറങ്ങിയ സൂര്യയെ പരിശോധിച്ചപ്പോഴാണ് മയക്ക് മരുന്ന് കണ്ടെത്തിയത്.ഉടൻ തന്നെ ഇവരെ പൊലീസ് കസ്റ്റഡിയിലെടുക്കുകയും ചെയ്തു. ഇതിന് പിന്നാലെ സൂര്യയെ കാത്ത് വിമാനത്താവളത്തിന് പുറത്തു നിന്നിരുന്ന 3 പേരെയും കരിപ്പൂർ പൊലീസ് കസ്റ്റഡിയിലെടുത്തത്.
സൂര്യ ജൂലൈ 16 ആണ് ഒമാനിലേക്ക് ജോലി അന്വേഷിച്ചു പോയത്. നേരത്തെ പരിചയം ഉള്ള ഒമാനിലെ നൗഫൽ എന്ന ആളുടെ അടുത്ത് ജോലി അന്വേഷിച്ചു പോയത് ആണ്. 4 ദിവസത്തിനകം മടങ്ങി. അപ്പോഴാണ് ഒരു ബാഗ് കൊടുത്തയച്ചത്. ഇവരെ വിമാനത്താളത്തിൽ കൊണ്ടുപോകാൻ വന്ന യുവാവും പോലീസിന്‍റെ പിടിയിലായി.