കൊച്ചി: ഹേമ കമ്മിറ്റി റിപ്പോർട്ടിൽ പറയുന്നതുപോലുള്ള കാര്യങ്ങൾ തന്റെ മുമ്പിൽ സംഭവിച്ചിട്ടില്ലെന്ന് സംവിധായകൻ ബ്ലെസി. 38 വർഷമായി സിനിമ രംഗത്തുണ്ട്. റിപ്പോർട്ടിലുള്ളത് ഓരോരുത്തരുടെയും വ്യക്തിപരമായ കാര്യങ്ങളായിരിക്കാമെന്നും താനത് നിഷേധിക്കുന്നില്ലെന്നും ബ്ലെസി പറഞ്ഞു. തൊഴിലിടമെന്ന നിലക്ക് സിനിമ ലോകം കുറെയൊക്കെ മാറിയിട്ടുണ്ട്. മിക്ക ആർട്ടിസ്റ്റുകൾക്കും കാരവാൻ ഉണ്ട്. വസ്ത്രം മാറാൻ സ്ഥലമില്ല എന്നതൊക്കെ ഇപ്പോൾ നടക്കുന്നുണ്ടെന്ന് തോന്നുന്നില്ല.
മാധ്യമങ്ങളിൽ നിന്ന് പ്രതികരണം തേടിയപ്പോഴാണ് റിപ്പോർട്ട് പുറത്തുവന്ന കാര്യം തന്നെ അറിഞ്ഞതെന്നും അദ്ദേഹം പറഞ്ഞു.