കൊച്ചി: നടന്‍ ജയസൂര്യയ്‌ക്കെതിരായുള്ള പരാതിയില്‍ ഉറച്ച് നില്‍ക്കുന്നുവെന്നറിയിച്ച് പരാതിക്കാരിയായ നടി. ജയസൂര്യ പീഡനാരോപണങ്ങള്‍ തള്ളി സമൂഹമാധ്യമത്തിൽ പോസ്റ്റിട്ടതിന് പിന്നാലെയാണ് ഈ പ്രതികരണം.
തൻ്റെ ആരോപണം സത്യവും വ്യക്തവുമാണെന്ന് പറഞ്ഞ നടി, പരാതിയിൽ തന്നെ ഉറച്ചു നിൽക്കുന്നതായും പ്രമുഖ വാർത്താ ഏജൻസിയോട് പ്രതികരിച്ചു. പരാതിക്കാരി പറഞ്ഞത് ആരോപണങ്ങൾ തെറ്റാണെന്ന ജയസൂര്യയുടെ വാദം കള്ളമാണെന്നാണ്. തൻ്റെ ആരോപണം തെറ്റല്ലെന്ന് പറഞ്ഞ അവർ, ഇക്കാര്യം സോഷ്യൽ മീഡിയയിൽ ചർച്ചയായപ്പോൾ താൻ പണം വാങ്ങിയിട്ടാണ് ഇത്തരം ആരോപണങ്ങൾ ഉയർത്തുന്നതെന്ന് ആക്ഷേപമുയർന്നുവെന്നും, ജയസൂര്യയുടെ പേര് പുറത്തുപറഞ്ഞാൽ സ്വന്തം അഭിമാനം സംരക്ഷിക്കാനാണെന്നും കൂട്ടിച്ചേർത്തു.
നടിയുടെ പരാതി ജയസൂര്യ സെക്രട്ടറിയേറ്റിലെ സിനിമാ ചിത്രീകരണത്തിനിടെ ശുചിമുറിയില്‍ വച്ച് കടന്നുപിടിച്ചതായാണ്. ഇതിൻ്റെ ഭാഗമായി പോലീസ് നടിയുടെ രഹസ്യമൊഴി രേഖപ്പെടുത്തുകയും, സെക്രട്ടറിയേറ്റില്‍ പരിശോധന നടത്തുകയും ചെയ്യും. ഇതിനുള്ള അനുമതി കൻറോൺമെൻറ്‌ പോലീസ് തേടിയിട്ടുണ്ട്.