മുംബൈ: ബോളിവുഡ് നടൻ ഗോവിന്ദയെ വീട്ടിൽ കുഴഞ്ഞുവീണ് അബോധാവസ്ഥയിലായതിനെ തുടർന്ന് ആശുപത്രിയിൽ പ്രവേശിപ്പിച്ചു. ബുധനാഴ്ച പുലർച്ചെയാണ് അദ്ദേഹത്തെ ജുഹുവിലെ ക്രിട്ടികെയർ ആശുപത്രിയിൽ എത്തിച്ചത്.(Bollywood star Govinda hospitalized after collapsing at home)
നിലവിൽ ഗോവിന്ദ ചികിത്സയിലാണ്. അദ്ദേഹത്തിന്റെ ആരോഗ്യനിലയെക്കുറിച്ചുള്ള കൂടുതൽ വിവരങ്ങൾ പുറത്തുവന്നിട്ടില്ല. ആശുപത്രിയിലേക്ക് കൊണ്ടുപോകുന്നതിനു മുമ്പ് ഡോക്ടറുടെ നിർദേശപ്രകാരം ഗോവിന്ദയ്ക്ക് ആവശ്യമായ മരുന്നുകൾ നൽകിയിരുന്നതായി അദ്ദേഹത്തിന്റെ സുഹൃത്തിനെ ഉദ്ധരിച്ച് റിപ്പോർട്ട് ചെയ്തു.
നടനെ ഒട്ടേറെ പരിശോധനകൾക്ക് വിധേയമാക്കിയിട്ടുണ്ട്. ഈ റിപ്പോർട്ടുകൾക്കായി കുടുംബം കാത്തിരിക്കുകയാണ്. കഴിഞ്ഞ വർഷം ഒക്ടോബറിൽ ഗോവിന്ദയ്ക്ക് ലൈസൻസുള്ള റിവോൾവറിൽ നിന്ന് അബദ്ധത്തിൽ വെടിപൊട്ടി കാലിന് ഗുരുതരമായി പരിക്കേറ്റിരുന്നു. ഒരു മണിക്കൂർ നീണ്ട ശസ്ത്രക്രിയയിലൂടെയാണ് അന്ന് വെടിയുണ്ട പുറത്തെടുത്തത്.