ഞെട്ടിക്കുന്ന പുതു പുത്തൻ ലുക്കിൽ  ആസിഫ് അലി

മലയാളികളുടെ പ്രിയപ്പെട്ട യുവനടന്മാരിൽ ഒരാളാണ് ആസിഫ് അലി.ചുരുങ്ങിയ കാലം കൊണ്ട് സിനിമാലോകത്ത് തന്റേതായ വ്യക്തിമുദ്ര പതിപ്പിക്കാൻ ആസിഫിന് സാധിച്ചിട്ടുണ്ട് .ഋതുവിലൂടെ സിനിമയിൽ എത്തിയ താരം ഇന്ന് പ്രേക്ഷകരുടെ ആസിഫ് ഇക്കയായി മാറിക്കഴിഞ്ഞിരിക്കുന്നു.

ആസിഫ് അലിയുടെ ഏറ്റവും പുതിയ മേക്ക് ഓവർ ഇപ്പോൾ ഏറ്റെടുത്തിരിക്കുകയാണ് ആരാധകർ. ആസിഫ് അലി തന്റെ സോഷ്യൽ മീഡിയയിലൂടെ പുറത്തു വിട്ട ചിത്രം ഇതിനോടകം തന്നെ സോഷ്യൽ മീഡിയയിൽ ആരാധകർക്കിടയിൽ വല്യ ചർച്ചയായിരിക്കുകയാണ്.

 രോഹിത്ത് വി.എസ് 'കള'ക്ക്  ശേഷം സംവിധാനം ചെയ്യുന്ന ബിഗ് ബഡ്ജറ്റ്  ചിത്രമായ 'ടിക്കി ടാക്ക'യിലാണ്  ആസിഫ് അലി പുതിയ ഗെറ്റപ്പിൽ എത്താൻ പോകുന്നത്. ആസിഫ് അലിയുടെ കരിയറിലെ തന്നെ ഏറ്റവും വലിയ ബഡ്ജറ്റിൽ എത്തുന്ന ചിത്രത്തിന്റെ ടൈറ്റിൽ പോസ്റ്റർ നേരത്തെ തന്നെ സമൂഹ മാധ്യമങ്ങളിൽ വൈറലായിരുന്നു.

അഡ്വഞ്ചേഴ്‌സ് ഓഫ് ഓമനക്കുട്ടൻ, ഇബ്ലീസ് എന്നീ ചിത്രങ്ങൾക്ക് ശേഷം ആസിഫ് അലിയും രോഹിത്ത് വി.എസും വീണ്ടും ഒന്നിക്കുന്ന  ചിത്രം കൂടിയാണ് 'ടിക്കി ടാക്ക'. ഹരിശ്രീ അശോകൻ, ലുക്മാൻ അവറാൻ, വാമിക ഖബ്ബി, നസ്ലിൻ, സഞ്ജന നടരാജ്, സന്തോഷ് പ്രതാപ് എന്നിവരും ചിത്തത്തിൽ മറ്റു കഥാപാത്രങ്ങളായി എത്തുന്നുണ്ട്.

അഡ്വഞ്ചേഴ്‌സ് കമ്പനിയുടെ ബാനറിൽ ജൂവിസ് പ്രൊഡക്ഷൻസ് ഒരുക്കുന്ന ചിത്രം നിർമിക്കുന്നത് സിജു മാത്യുവും നേവിസ് സേവ്യറും ചേർന്നാണ് .കേരളത്തിന് അകത്തും പുറത്തുമായി 80 ദിവസത്തെ ഷെഡ്യൂളായാണ്  ചിത്രം ഒരുക്കുന്നത്. ചിത്രം ഇപ്പോൾ കൊച്ചിയിൽ ഷൂട്ടിംഗ് പുരോഗമിക്കുന്നു. പി.ആർ.ഒ.: റോജിൻ കെ. റോയ്.