Times Kerala

മ​ല​ബാ​റി​ലെ പ്ല​സ് വ​ണ്‍ സീ​റ്റ് ക്ഷാമം: 138 താ​ൽക്കാ​ലി​ക ബാ​ച്ചുകൾ അ​നു​വ​ദി​ച്ച് സർക്കാർ

 
ശിവൻകുട്ടി
തി​രു​വ​ന​ന്ത​പു​രം: മ​ല​ബാ​ർ മേ​ഖ​ല​യി​ലെ പ്ല​സ് വ​ൺ സീ​റ്റ് പ്രതിസന്ധിക്ക് പ​രി​ഹാ​ര​വുമായി സർക്കാർ. സർക്കാർ അനുവദിച്ചിരിക്കുന്നത് 138 താൽക്കാലിക ബാച്ചുകളാണ്. ഇതിൽ മ​ല​പ്പു​റ​ത്ത് 120 ബാ​ച്ചു​ക​ളും കാ​സ​ർ​ഗോ​ട്ട് 18 ബാ​ച്ചു​ക​ളു​മാ​ണ് ഉള്ളത്. വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി​യാ​ണ് ഇ​ക്കാ​ര്യം അ​റി​യി​ച്ച​ത്. നി​യ​മ​സ​ഭ​യി​ൽ ച​ട്ടം 300 പ്ര​കാ​രം ന​ട​ത്തി​യ പ്ര​സ്താ​വ​ന​യിലൂടെയാണ് അദ്ദേഹം ഇക്കാര്യം പറഞ്ഞത്. താൽക്കാലിക ബാച്ച് അനുവദിച്ചിട്ടുള്ളത് പൊ​തു​വി​ദ്യാ​ല​യ​ങ്ങ​ൾ​ക്ക് മാ​ത്ര​മാ​ണ്. വി​ദ്യാ​ഭ്യാ​സ വ​കു​പ്പ് നി​യോ​ഗി​ച്ച ര​ണ്ടം​ഗ സ​മി​തി റി​പ്പോ​ർ​ട്ട് പ്ല​സ് വ​ൺ സീ​റ്റ് പ്ര​തി​സ​ന്ധി പ​രി​ഹ​രി​ക്കു​ന്ന​തി​ന് മ​ല​പ്പു​റ​ത്ത് അ​ധി​ക ബാ​ച്ച് അ​നു​വ​ദി​ക്ക​ണ​മെ​ന്ന് സർക്കാരിനോട് ശിപാർശ ചെയ്തിട്ടുണ്ടായിരുന്നു. മ​ല​പ്പു​റം ജി​ല്ല​യി​ൽ 24 സ​ർ​ക്കാ​ർ സ്കൂ​ളു​ക​ളി​ലാ​യി 120 ബാ​ച്ചു​കളാണ് ഉള്ളത്. കാ​സ​ർ​ഗോ​ഡ് ജില്ലയിൽ 18 സ​ർ​ക്കാ​ർ സ്കൂ​ളു​ക​ളി​ലാ​യി 18 ബാ​ച്ചു​ക​ളും അനുവദിച്ചിട്ടുണ്ട്. മ​ല​പ്പു​റ​ത്ത് കൊ​മേ​ഴ്സി​ന് 61 ബാ​ച്ചു​ക​ളും ഹ്യു​മാ​നി​റ്റീ​സ് 59 ബാ​ച്ചു​ക​ളും, കാ​സ​ർ​ഗോ​ട്ട് 13 കൊ​മേ​ഴ്സ് ബാ​ച്ചും നാ​ല് ഹ്യു​മാ​നി​റ്റീ​സ് ബാ​ച്ചും ഒ​രു സ​യ​ൻ​സ് ബാ​ച്ചും അനുവദിച്ചിട്ടുണ്ട്. വിദ്യാഭ്യാസ മന്ത്രി നിയമസഭയെ അറിയിച്ചത് ഈ നടപടിയിലൂടെ മ​ല​ബാ​ര്‍ മേ​ഖ​ല​യി​ലെ പ്ര​വേ​ശ​ന പ്ര​തി​സ​ന്ധി​ക്ക് പ​രി​ഹാ​ര​മാ​കു​മെ​ന്നാണ്. 14 കോ​ടി രൂ​പ​യു​ടെ അ​ധി​ക​ബാ​ധ്യ​ത​യാ​ണ് താൽക്കാലിക സീറ്റുകൾ അനുവദിച്ചതിലൂടെ സർക്കാരിന് ഉണ്ടായതെന്നും അദ്ദേഹം കൂട്ടിച്ചേർത്തു.  പ്ര​തി​പ​ക്ഷ ഉ​പ​നേ​താ​വ് പി.​കെ. കു​ഞ്ഞാ​ലി​ക്കു​ട്ടി സഭയിൽ പറഞ്ഞത് ഇത് പാ​ല​ക്കാ​ട്, കോ​ഴി​ക്കോ​ട് ജി​ല്ല​ക​ളു​ടെ സീ​റ്റ് ക്ഷാ​മ​ത്തി​ന് പരിഹാരമാകില്ലെന്നാണ്. 

Related Topics

Share this story