ബിഎസ്എഫിന് കൂടുതല് അധികാരം; എതിര്പ്പുമായി സംസ്ഥാനങ്ങള്
Oct 14, 2021, 21:15 IST
ന്യൂഡല്ഹി: അതിര്ത്തി സംസ്ഥാനങ്ങളില് ബിഎസ്എഫിന് കൂടുതല് അധികാരം നല്കി കേന്ദ്രസര്ക്കാര്. പാകിസ്ഥാന്, ബംഗ്ലാദേശ് എന്നീ രാജ്യങ്ങളുടെ അതിര്ത്തി സംസ്ഥാനങ്ങളായ അസം, പശ്ചിമ ബംഗാള്, പഞ്ചാബ് എന്നിവിടങ്ങളിലാണ് ബിഎസ്എഫിന് കൂടുതല് അധികാരം നല്കിയത്. ഈ സംസ്ഥാനങ്ങളില് രാജ്യാന്തര അതിര്ത്തിയില്നിന്നും 50 കിലോമീറ്റര് അകത്തേക്ക് പരിശോധന നടത്താനും അറസ്റ്റ് ചെയ്യാനും ഇനി ബിഎസ്എഫിന് അധികാരമുണ്ടാകും.അതേസമയം, കേന്ദ്രസര്ക്കാര് നടപടിയില് എതിര്പ്പറിയിച്ച് പഞ്ചാബ്, ബംഗാള് സംസ്ഥാനങ്ങള് രംഗത്തെത്തി. അര്ധസൈനിക വിഭാഗത്തിന്റെ അധികാരപരിധി ഉയര്ത്തുന്നത് സംസ്ഥാനത്തിന്റെ അധികാരത്തിലുള്ള കടന്നുകയറ്റമാണെന്ന് ഇരു സംസ്ഥാനങ്ങളും ആരോപിച്ചു.