എ ഐ ക്യാമറ പദ്ധതി: കെല്‍ട്രോണിന് ആദ്യ ഗഡു കൈമാറാന്‍ ഹൈക്കോടതിയുടെ അനുമതി നൽകി
Sep 18, 2023, 16:58 IST
തിരുവനന്തപുരം: ഗതാഗത നിയമലംഘനം തടയാനായി എ ഐ ക്യാമറ സ്ഥാപിച്ച വകയില്‍ കെല്‍ട്രോണിന് ആദ്യ ഗഡുവായ 11.75 കോടി നൽകാൻ ഹൈക്കോടതിയുടെ അനുമതി. ക്യാമറ പദ്ധതിയില്‍ അഴിമതി ആരോപണം ഉയര്‍ന്നതിനെ തുടര്‍ന്ന് പണം നല്‍കുന്നത് ഹൈക്കോടതി തടഞ്ഞിരുന്നു. ഈ ഇടക്കാല ഉത്തരവ് പുതുക്കിയാണ് ഹൈക്കോടതി കെല്‍ട്രോണിന് പണം കൈമാറാന്‍ അനുമതി നല്‍കിയത്.
ജൂണ്‍ 23 മുതല്‍ സംസ്ഥാനത്തെ റോഡുകളില്‍ ക്യാമറകള്‍ പ്രവര്‍ത്തന സജ്ജമാണെന്നും അപകട മരണ നിരക്കുകള്‍ കുറഞ്ഞിട്ടുണ്ടെന്നും സര്‍ക്കാര്‍ ഹൈക്കോടതിയെ അറിയിച്ചതിന് പിന്നാലൊണ് കോടതി ഇടക്കാല ഉത്തരവ് പുതുക്കിയത്.