മുക്കത്തെ വീടുകളില്‍ വ്യാപക മോഷണം; അന്വേഷണം ആരംഭിച്ച് പോലീസ്
കോഴിക്കോട്: മുക്കത്തെ വീടുകളില്‍ നടക്കുന്ന വ്യാപക മോഷണങ്ങളിൽ അന്വേഷണം ആരംഭിച്ച് പോലീസ്. കഴിഞ്ഞ ദിവസം ഹെല്‍മറ്റും തൊപ്പിയും ധരിച്ചെത്തിയ മോഷ്ടാക്കള്‍ സ്ത്രീയുടെ മാല പൊട്ടിച്ചു.
പുലര്‍ച്ചെ മൂന്ന് മണിക്കാണ് ഇരുമ്പിടക്കണ്ടി റസാഖിന്‍റെ വീട്ടിലെത്തിയ മോഷ്ടാക്കള്‍ സ്ത്രീയുടെ മാല പൊട്ടിച്ചത്. തറോട്, തെച്ചിയാട്ടില്‍ പ്രദേശങ്ങളിലെ പല വീടുകളിലും മോഷണ ശ്രമം നടന്നു. ചില വീടുകളില്‍നിന്ന് മൊബൈല്‍ ഫോണ്‍ അടക്കം മോഷ്ടിക്കപ്പെട്ടു.
മോഷ്ടാക്കളുടെ ദൃശ്യങ്ങള്‍ സിസിടിവിയില്‍ പതിഞ്ഞിട്ടുണ്ട്. ദൃശ്യങ്ങൾ കേന്ദ്രീകരിച്ചാണ് അന്വേഷണം.