മലപ്പുറത്ത് പതിനേഴുകാരനെ പീഡനത്തിനിരയാക്കി; മധ്യവയസ്കൻ പിടിയിൽ
Nov 19, 2023, 13:43 IST
മലപ്പുറം: പതിനേഴുകാരനെ പ്രകൃതി വിരുദ്ധ പീഡനത്തിനിരയാക്കിയ മധ്യവയസ്കൻ അറസ്റ്റിൽ. തിരൂർ പുറത്തൂർ സ്വദേശി മണൽ പറമ്പിൽ റഷീദിനെയാണ് പോലീസ് അറസ്റ്റ് ചെയ്തത്. മലപ്പുറം കുറ്റിപ്പുറത്താണ് സംഭവം നടന്നത്. കഴിഞ്ഞ ദിവസം രാത്രി പട്രോളിംഗിനിടെ പോലീസുകാരാണ് ഇയാൾ കുട്ടിയെ പീഡിപ്പിക്കുന്നതായി കണ്ടത്. എന്നാൽ പോലീസിനെ കണ്ടതോടെ പ്രതി ഓടി രക്ഷപ്പെടുകയായിരുന്നു. പിന്നാലെ കുട്ടിയുടെ മൊഴിയുടെ അടിസ്ഥാനത്തിൽ ഇയാളെ കുറ്റിപ്പുറം പോലീസ് കസ്റ്റഡിയിൽ എടുക്കുകയായിരുന്നു.