ജോബ് ഫെസ്റ്റ് ശനിയാഴ്ച്ച 

 കോഴിക്കോട് ജില്ലാ എംപ്ലോയ്‌മെന്റ് എക്‌സ്‌ചേഞ്ചും എംപ്ലോയബിലിറ്റി സെന്ററും  ജെ.സി.ഐ കാലിക്കറ്റും സംയുക്തമായി വെളളിമാട്കുന്ന് ജെ.ഡി.ടി ഇസ്ലാമിക് കാമ്പസിൽ നവംബർ 11  ശനിയാഴ്ച്ച ജോബ് ഫെസ്റ്റ് (ഉദ്യോഗ് 2.0) സംഘടിപ്പിക്കുന്നു. ഐ.ടി, ഹോസ്പിറ്റാലിറ്റി, മാർക്കറ്റിംങ്ങ്, ഇൻഷൂറൻസ്, ഓട്ടോമൊബൈൽ, ടൂറിസം, കൺസ്ട്രക്ഷൻ തുടങ്ങിയ മേഖലകളിലായി എഴുപതോളം പ്രമുഖ കമ്പനികൾ ജോബ് ഫെസ്റ്റിൽ പങ്കെടുക്കും.  താൽപര്യമുളള ഉദ്യോഗാർത്ഥികൾ ബയോഡാറ്റ, സർട്ടിഫിക്കറ്റുകളുടെ പകർപ്പുകൾ എന്നിവ സഹിതം അന്നേ ദിവസം രാവിലെ 9.30ന് ജെ.ഡി.ടി ഇസ്ലാമിക് കാമ്പസിൽ ഹാജരാകണം.  

മെഡിക്കൽ ഓഡിറ്റർ താത്കാലിക നിയമനം

കോഴിക്കോട് ഗവ.മെഡിക്കൽ കോളേജ് ആശുപത്രിയിലെ കാരുണ്യ ആരോഗ്യസുരക്ഷാ പദ്ധതിക്ക് കീഴിൽ മെഡിക്കൽ ഓഡിറ്ററെ താൽക്കാലികാടിസ്ഥാനത്തിൽ നിയമിക്കുന്നു. യോഗ്യത : ജി എൻ എം / ബി എസ് സി നഴ്സിംഗും കമ്പ്യൂട്ടർ പരിജ്ഞാനവും. താല്പര്യമുള്ള ഉദ്ദ്യോഗാർഥികൾ തങ്ങളുടെ ബയോഡാറ്റയും സർട്ടിഫിക്കറ്റുകളുടെ ഒറിജിനലും സഹിതം നവംബർ ഒമ്പതിന് രാവിലെ 11 മണിക്ക് കോഴിക്കോട് ഗവ.മെഡിക്കൽ കോളേജ് ആശുപത്രി സൂപ്രണ്ട് ഓഫീസിൽ ഇന്റർവ്യൂവിനു ഹാജരാകണമെന്ന് സൂപ്രണ്ട് അറിയിച്ചു. ഫോൺ : 0495 2350055