”ആൾദൈവങ്ങൾ കണ്ടകശ്ശനി” കൊലപാതക കേസിൽ ബാബ പ്രതിഭനാഥ് അറസ്റ്റിൽ
Sep 17, 2017, 09:50 IST
ഗാസിയാബാദ്: ഗുർമീത് റാം റഹിമിനു പിന്നാലെ മറ്റൊരു ആൾദൈവം കൂടി അറസ്റ്റിലായി. മഹാരാഷ്ട്ര ബീഡ് സ്വദേശി മച്ചേന്ദ്ര നാഥ് എന്ന ബാബ പ്രതിഭനാഥാണ് അറസ്റ്റിലായത്. ബിഎസ്പി നേതാവ് ദീപക് ഭരദ്വാജിനെ കൊലപ്പെടുത്തിയ കേസിലാണ് അറസ്റ്റ്. വെള്ളിയാഴ്ച രാത്രി ഉത്തർപ്രദേശിലെ ഗാസിയാബാദ് റെയിൽവെ സ്റ്റേഷനിൽനിന്നാണ് ഇയാളെ പോലീസ് അറസ്റ്റ് ചെയ്തത്. ബാബ നാലു വർഷമായി ഒളിവിലായിരുന്നു. ഇയാളെക്കുറിച്ച് വിവരം നൽകുന്നവർക്ക്പോലീസ് ഒരു ലക്ഷം രൂപ പാരിതോഷികം പ്രഖ്യാപിച്ചിരുന്നു.