ലണ്ടൻ സ്ഫോടനം; ഐഎസ്; ഉത്തരവാദിത്തമേറ്റു
Sep 16, 2017, 09:11 IST
ലണ്ടൻ: ലണ്ടനിലെ പാർസണ്സ് ഗ്രീൻ ഭൂഗർഭ മെട്രോ റെയിൽ സ്റ്റേഷനിലുണ്ടായ സ്ഫോടനത്തിന്റെ ഉത്തരവാദിത്തം ഇസ്ലാമിക് സ്റ്റേറ്റ് ഭീകരസംഘടന ഏറ്റെടുത്തു. ഐഎസിന്റെ വെറുപ്പാണ് സ്ഫോടനത്തിനു പിന്നിലെന്ന് അമാഖ് ഓണ്ലൈനിൽ പ്രസിദ്ധീകരിച്ച കുറിപ്പിൽ സംഘടന അവകാശപ്പെടുന്നു.
ലണ്ടൻ നഗരത്തിന്റെ തെക്കുപടിഞ്ഞാറ് പാർസണ്സ് ഗ്രീൻ ഭൂഗർഭ മെട്രോ റെയിൽ സ്റ്റേഷനിൽ നിർത്തിയിട്ടിരുന്ന ട്രെയിനിലുണ്ടായ സ്ഫോടനത്തിൽ 29 പേർക്കു പരിക്കേറ്റിരുന്നു. ഭീകരാക്രമണമാണിതെന്നു സ്കോട്ട്ലൻഡ് യാർഡ് സ്ഥിരീകരിച്ചു. മാർച്ചിനുശേഷം ലണ്ടനിലുണ്ടായ അഞ്ചാമത്തെ ഭീകരാക്രമണമാണിത്.