ഫാ. ടോം ഉഴുന്നാലിന്റെ ചികിത്സയ്ക്കായി എല്ലാ സഹായവും നൽകുമെന്നു മുഖ്യമന്ത്രി
Sep 13, 2017, 08:59 IST
തിരുവനന്തപുരം: യെമനിൽ നിന്നു ഭീകരർ തട്ടിക്കൊണ്ടു പോയ മലയാളി വൈദികൻ ഫാ. ടോം ഉഴുന്നാലിന്റെ തുടർ ചികിത്സയ്ക്കായി എല്ലാ സഹായവും നൽകുമെന്നു മുഖ്യമന്ത്രി പിണറായി വിജയൻ. ഏറെ അവശനായ ഫാ. ഉഴുന്നാലിൽ ഇപ്പോൾ ഒമാനിൽ ചികിത്സയിലാണ്. കേരളത്തിലേക്ക് എത്തുന്നതിനും തുടർ ചികിത്സയ്ക്കും അദ്ദേഹത്തിന് എല്ലാവിധ സഹായങ്ങളും ഉണ്ടാകും.അദ്ദേഹത്തിന്റെ സുരക്ഷിതമായ മടങ്ങിവരവിൽ വിശ്വാസ സമൂഹത്തിന്റെയും പൊതു സമൂഹത്തിന്റെയും ആഹ്ലാദത്തിൽ പങ്കു ചേരുന്നതായും മുഖ്യമന്ത്രി ഫെയ്സ് ബുക്ക് പോസ്റ്റിൽ അറിയിച്ചു.