സെക്‌സില്‍ പ്രായമല്ല പ്രധാനം, ആരോഗ്യമാണെന്ന് ഡോക്ടര്‍മാര്‍
മദ്ധ്യവയസ് കഴിഞ്ഞ് കുട്ടികള്‍ വിവാഹപ്രായമെത്തുന്നതോടെ കിടപ്പറയിലെ ആവേശമെല്ലാം കെട്ടടങ്ങുന്നവരാണ് മലയാളികള്‍ ബഹുഭൂരിപക്ഷവും. സെക്‌സ് ലൈഫ് ഒക്കെ കഴിഞ്ഞുവെന്ന ആത്മഗതവുമായി മൂലക്കിരിക്കുന്ന ഇക്കൂട്ടരില്‍ പലരും പങ്കാളിയുടെ വികാരവിചാരങ്ങളെ കണക്കിലെടുക്കാറില്ലെന്നതാണ് വാസ്തവം.
ഇങ്ങനെ പങ്കാളി തന്നെ മനസിലാക്കാത്ത അവസ്ഥ വരുമ്പോഴാണ് പലരും അവിഹിത ബന്ധങ്ങളില്‍ ചെന്ന് ചാടുന്നത്. എന്നാല്‍ ഇതിന്റെയൊന്നും ആവശ്യമില്ലെന്ന് സെക്‌സോളജിസ്റ്റുകള്‍ പറയുന്നു. പ്രായമല്ല, മറിച്ച് ശാരീരികാരോഗ്യമാണ് ആരോഗ്യമുള്ള സെക്‌സ് നയിക്കാന്‍ പ്രാപ്തരാക്കുന്നതന്ന് ബ്രിട്ടീഷ് ഡോക്ടറായ ഡോ.സ്‌റ്റേസി ലിന്റാവു
മദ്ധ്യവയസ് മുതല്‍ അങ്ങോട് ശാരീരികാരോഗ്യമാണ് മികച്ച സെക്‌സ് ലൈഫിന് ആളുകളെ പ്രാപ്തരാക്കുന്നത്. ചിലരില്‍ മദ്ധ്യവയസ് പിന്നിടുന്നതോടെയാണ് സെക്‌സിന് കൂടുതല്‍ മധുരമേറുന്നതെന്നും അവര്‍ ചൂണ്ടികാണിക്കുന്നു.
സെക്‌സ്ഷ്വല്‍ ആക്റ്റിവിറ്റികള്‍ക്കിടയിലെ ഇടവേള, സെക്‌സിനോടുള്ള താല്‍പ്പര്യം, ആരോഗ്യമുള്ള സെക്‌സ് ജീവിതം മദ്ധ്യവയസിനും ശേഷവും ആളുകളുടെ ആരോഗ്യത്തെ ബാധിക്കുമെന്ന് പഠനങ്ങളിലൂടെ തെളിഞ്ഞതായി അവര്‍ പറയുന്നു. പുരുഷന്‍മാര്‍ സ്ത്രീകളേക്കാള്‍ തങ്ങളുടെ ജീവിതത്തിന്റെ ഏറിയ പങ്കും സെക്‌സ്ഷ്വലി ആക്ടീവ് ആയിരിക്കുമെന്നും ഇവര്‍ നടത്തിയ പഠനത്തില്‍ കണ്ടെത്തി.