നടിയെ ആക്രമിച്ച കേസ്;പോലീസുകാരന് അറസ്റ്റില്
Sep 10, 2017, 09:52 IST
കൊച്ചി: നടിയെ ആക്രമിച്ച കേസിലെ പ്രധാനപ്രതി സുനിക്കുവേണ്ടി നടൻ ദിലീപിനെ ബന്ധപ്പെടാൻ ശ്രമിച്ച പോലീസുകാരൻ അറസ്റ്റിൽ. കളമശേരി എആർ ക്യാമ്പിലെ സിപിഒ അജീഷാണ് അറസ്റ്റിലായത്. സുനിൽ കുമാറിന് കാവൽ നിൽക്കുമ്പോഴാണ് ആക്രമണത്തിന് പിന്നിൽ ദിലീപിന് പങ്കുണ്ടെന്ന് അജീഷിനോട് വെളിപ്പെടുത്തുന്നത്.
മാർച്ച് ആറിനാണ് സുനിൽ കുമാർ അജീഷിനോട് വെളിപ്പെടുത്തൽ നടത്തുന്നത്. ഇതിനു ശേഷം കാവ്യാമാധവന്റെ ലക്ഷ്യ എന്ന സ്ഥാപനത്തിലേക്ക് മൂന്നുവട്ടം ഇയാൾ ഫോൺ ചെയ്തു. സുനിയുടെ ശബ്ദം റെക്കോഡ് ചെയ്ത് ദിലീപിന് അയച്ചുകൊടുക്കാൻ അജീഷ് ശ്രമിക്കുകയും ചെയ്തു.