കനത്ത മഴ; ട്രെയിനുകൾ റദ്ദാക്കി
തിരുവനന്തപുരം: വടക്കു കിഴക്കൻ സംസ്ഥാനങ്ങളിലെ കനത്ത മഴയെ തുടർന്ന് ആറു ട്രെയിനുകൾ റദ്ദാക്കിയതായി റെയിൽവേ അറിയിച്ചു. ഗോഹട്ടി, ദിബ്രുഗഡ് ഭാഗത്തേയ്ക്കും തിരികെയുമുള്ള ട്രെയിനുകളാണ് റദ്ദാക്കിയത്. വെള്ളിയാഴ്ച ഗോഹട്ടിയിൽ നിന്നു തിരുവനന്തപുരത്തേയ്ക്കു പുറപ്പെടേണ്ട ഗോഹട്ടി- തിരുവനന്തപുരം എക്സ്പ്രസ് , ശനിയാഴ്ച പുറപ്പെടേണ്ട ദിബ്രുഗഡ്- കന്യാകുമാരി വിവേക് എക്സ്പ്രസ്, 13നുള്ള ഗോഹട്ടി- തിരുവനന്തപുരം എക്സ്പ്രസ് എന്നീ ട്രെയിനുകളാണ് റദ്ദാക്കിയവ.
തിരുവനന്തപുരത്തു നിന്നു പത്തിനു ഗോഹട്ടിക്കു പുറപ്പെടേണ്ട എക്സ്പ്രസ് (15905), 12 നുള്ള തിരുവനന്തപുരം- ഗോഹട്ടി എക്സ്പ്രസ് (12507) എന്നിവയും റദ്ദാക്കി. രാത്രി കന്യാകുമാരിയിൽ നിന്നു ദിബ്രുഗഡിനു പുറപ്പെടേണ്ടയിരുന്ന വിവേക് എക്സ്പ്രസും (15905) റദ്ദു ചെയ്തു.