ബിപിൻ വധം: രണ്ട് എസ്ഡിപിഐ പ്രവർത്തകർ കൂടി അറസ്റ്റിൽ
Sep 5, 2017, 18:12 IST
തിരൂർ: ആർഎസ്എസ് പ്രവർത്തകനും കൊടിഞ്ഞി ഫൈസൽ വധക്കേസിലെ രണ്ടാം പ്രതിയുമായ ആലത്തിയൂർ കുണ്ടിൽ ബിപിൻ(24) കൊല്ലപ്പെട്ട കേസിൽ രണ്ട് എസ്ഡിപിഐ, പോപ്പുലർ ഫ്രണ്ട് പ്രവർത്തകർ കൂടി അറസ്റ്റിൽ. കൃത്യത്തിൽ നേരിട്ട് പങ്കെടുത്ത രണ്ടാം പ്രതി തൃപ്രങ്ങോട് ആലൂക്കൽ വീട്ടിൽ സാബിനൂർ (39), ഗൂഢാലോചന നടത്തിയ സംഘത്തിലെ ഒരാളായ ഒൻപതാം പ്രതി പൊന്നാനി പാലപ്പെട്ടി സ്വദേശി കണ്ണാത്ത് സിദ്ദീഖ് (29) എന്നിവരാണ് അറസ്റ്റിലായത്. അറസ്റ്റിലായ സാബിനൂർ മുന്പ് സിപിഎം പ്രവർത്തകരെ ആക്രമിച്ച നാല് കേസുകളിൽ പ്രതിയാണ്.