കാഷ്മീരിൽ രണ്ടു സൈനികർ വൈദ്യുതാഘാതമേറ്റ് മരിച്ചു
Sep 5, 2017, 22:08 IST
ജമ്മു: ജമ്മുകാഷ്മീരിൽ രണ്ടു സൈനികർ വൈദ്യുതാഘാതമേറ്റ് മരിച്ചു. ആന്ധ്രാപ്രദേശ് സ്വദേശി പി. ജയ്പാൽ, തമിഴ്നാട് സ്വദേശി ഐ വാസുദേവൻ എന്നിവരാണ് മരിച്ചത്. ചൊവ്വാഴ്ച കാഷ്മീരിലെ ഉധംപുരിൽ ആർമി വർക്ഷോപ്പിലായിരുന്നു സംഭവം.
ആർമിയുടെ നോർത്തേൺ കമാൻഡന്റിന്റെ കീഴിലുള്ള വർക്ഷോപ്പിൽ ജോലിചെയ്യുന്നതിനിടെയായിരുന്നു അത്യാഹിതം. പോസ്റ്റ്മോർട്ടത്തിനു ശേഷം മൃതദേഹം സൈന്യത്തിനു കൈമാറി.