ഉത്തർപ്രദേശിൽ വീണ്ടും ട്രെയിൻ പാളംതെറ്റി
Sep 2, 2017, 23:27 IST
ലക്നോ: ഉത്തർപ്രദേശിൽ വീണ്ടും ട്രെയിൻ പാളംതെറ്റി. ചരക്ക് തീവണ്ടിയാണ് പാളംതെറ്റിയത്. ശനിയാഴ്ച വൈകുന്നേരം ഹർദാർപുർ റെയിൽവെ സ്റ്റേഷനിലായിരുന്നു സംഭവം. ഗുഡ്സ് ട്രെയിനിന്റെ നാല് വാഗണുകൾ മറിഞ്ഞു. സംഭവത്തിൽ ആർക്കും പരിക്കേറ്റതായി റിപ്പോർട്ടില്ല. അപകടത്തെ തുടർന്ന് അലഹബാദ്- മാൻഡ്വദി റൂട്ടിൽ ആറു ട്രെയിനുകൾ വഴിതിരിച്ചുവിട്ടു.