നടിയുടെ പേര് വെളിപ്പെടുത്തിയ സംഭവം; അജു വർഗീസ് അറസ്റ്റിൽ
Aug 29, 2017, 22:54 IST
കൊച്ചി: ആക്രമണത്തിന് ഇരയായ നടിയുടെ പേര് ഫേസ്ബുക്കിലൂടെ പരസ്യപ്പെടുത്തിയ സംഭവത്തിൽ നടൻ അജു വർഗീസ് അറസ്റ്റിൽ. കളമശേരി പോലീസാണ് അജു വർഗീസിനെ അറസ്റ്റ് ചെയ്തത്. അറസ്റ്റ് രേഖപ്പെടുത്തിയ ശേഷം അജുവിനെ ജാമ്യത്തിൽ വിട്ടയച്ചു. ഇന്ത്യൻ ശിക്ഷാ നിമയത്തിലെ 228 (എ) വകുപ്പാണ് അജുവിനെതിരെ ചുമത്തിയിരിക്കുന്നത്. വിവാദഫേസ്ബുക്ക് പോസ്റ്റിനെതിരേ കളമശേരി സ്വദേശി ഗിരീഷ് ബാബു നൽകിയ പരാതിയിലാണ് പോലീസ് കേസെടു ത്തത്.