ഗുർമീതിന്‍റെ അറസ്റ്റ് തടയാൻ ശ്രമിച്ച പോലീസുകാർ അറസ്റ്റിൽ
പഞ്ചകുല: ബലാത്സംഗക്കേസിൽ കോടതി കുറ്റക്കാരനെന്നു കണ്ടെത്തിയ ആൾദൈവം ഗുർമീത് രാം റഹിമിന്‍റെ സുരക്ഷാ സംഘത്തിൽ അംഗമായിരുന്ന പോലീസ് ഉദ്യോഗസ്ഥർ അറസ്റ്റിൽ. ഗുർമീതിന്‍റെ അറസ്റ്റ് തടയാൻ ശ്രമിച്ചതിനാണ് നടപടി.
ഗുർമീതിന് ഇസഡ് കാറ്റഗറി സുരക്ഷ ഒരുക്കിയിരുന്ന സംഘത്തിൽ അംഗമായിരുന്ന ഏഴു പോലീസുകാരാണ് അറസ്റ്റിലായതെന്ന് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു. ആറു വർഷമായി ഈ പോലീസ് ഉദ്യോഗസ്ഥരായിരുന്നു ഗുർമീതിന് സുരക്ഷ ഒരുക്കിയിരുന്നത്. അറസ്റ്റിലായ പോലീസ് ഉദ്യോഗസ്ഥരെ ഏഴു ദിവസത്തേക്കു റിമാൻഡ് ചെയ്തു.
Comments are closed.