കൊല്ലം തീരത്ത് വള്ളം ഇടിച്ചുതകർത്ത കപ്പൽ ശ്രീലങ്കൻ തീരത്ത്
ചവറ: നീണ്ടകരയിൽനിന്നു മത്സ്യബന്ധനത്തിനു പോയ ഒഴുക്കുവല വള്ളത്തിൽ ഇടിച്ച കപ്പലിനെ കണ്ടെത്തി. കപ്പൽ ഇപ്പോൾ ശ്രീലങ്കൻ തീരത്താണുള്ളത്. ഇന്ത്യൻ നാവികസേന ശ്രീലങ്കൻ തീരത്തേക്കു തിരിച്ചിട്ടുണ്ട്. ആവശ്യമെങ്കിൽ കപ്പൽ ഇന്ത്യൻ തീരത്തേക്കു കൊണ്ടുവരുമെന്ന് തീരസംരക്ഷണസേന അറിയിച്ചു. ഇതിന് വിസമ്മതിച്ചാൽ വിദേശകാര്യ മന്ത്രാലയത്തിന്റെ സഹായം തേടുമെന്നും തീരസംരക്ഷണ സേനാ അധികൃതർ വ്യക്തമാക്കി.
ഹോങ്കോംഗ് കേന്ദ്രമാക്കി പ്രവർത്തിക്കുന്ന ഷിപ്പിംഗ് കന്പനിയുടെ അങ് യാങ് എന്ന കപ്പലാണ് വള്ളത്തിൽ ഇടിച്ച് അപകടമുണ്ടാക്കിയതെന്ന് തീരസംരക്ഷണസേന അറിയിച്ചു.