ടീം ഇന്ത്യയുടെ പതിയെ പരിശീലകനെ ഇന്ന് പ്രഖ്യാപിക്കും
Aug 16, 2019, 10:39 IST
ഇന്ത്യൻ ക്രിക്കറ്റ് ടീമിൻ്റെ പുതിയ പരിശീലകനെ ഇന്ന് പ്രഖ്യാപിക്കും. ഇന്ന് ബിസിസിഐ ആസ്ഥാനത്ത് നടക്കുന്ന അഭിമുഖങ്ങൾക്ക് ശേഷമായിരിക്കും പ്രഖ്യാപനം. ആറു പേരാണ് ഷോർട്ട് ലിസ്റ്റിൽ ഉൾപ്പെട്ടത്. ഈ ആറു പേരിൽ നിന്നാവും ഇന്ത്യയുടെ അടുത്ത പരിശീലകനെ ഉപദേശക സമിതി തിരഞ്ഞെടുക്കുക. ആകെ ലഭിച്ച രണ്ടായിരത്തോളം അപേക്ഷകളിൽ നിന്നാണ് ആറു പേരിലേക്ക് പട്ടിക ചുരുക്കിയത്. പരിശീലക സ്ഥാനത്ത് രവി ശാസ്ത്രി തന്നെ തുടരാനാണ് സാധ്യത.