മ്യാൻമറിൽ റോഹിൻക്യ ഭീകരരുടെ ആക്രമണം; 89 പേർ കൊല്ലപ്പെട്ടു
Aug 26, 2017, 09:28 IST
മ്യാൻമറിൽ പോലീസ് ബോർഡ് പോസ്റ്റുകൾക്കു നേർക്കു റോഹിൻക്യ ഭീകരർ നടത്തിയ ആക്രമണത്തിൽ 89 പേർ കൊല്ലപ്പെട്ടു. റാഖിനിലെ റാത്തെഡോംഗിൽ വെള്ളിയാഴ്ചയായിരുന്നു ആക്രമണം. കൊല്ലപ്പെട്ടവരിൽ 12 പേർ സുരക്ഷാ ഉദ്യോഗസ്ഥരാണ്. 20 പോസ്റ്റുകൾക്കുനേർക്കാണ് ആക്രമണമുണ്ടായത്. 150ൽ അധികം പേർ ആക്രമണസംഘത്തിലുണ്ടായിരുന്നു. ഇവർ തോക്കുകളും സ്ഫോടക വസ്തുക്കളും ഉപയോഗിച്ചാണ് ആക്രമണം നടത്തിയതതെന്ന് സൈന്യം അറിയിച്ചു. ആക്രമണകാരികൾക്കു നേർക്ക് സൈന്യം തിരിച്ചടിച്ചു. തിരിച്ചടിയിൽ 59 ഭീകരർ കൊല്ലപ്പെട്ടു.