കാബൂൾ ഷിയ പള്ളിയിലെ ചാവേർ സ്ഫോടനം; മരണം 20 ആയി
കാബൂൾ: അഫ്ഗാനിസ്ഥാൻ തലസ്ഥാനമായ കാബൂളിലെ ഷിയ പള്ളിയിലുണ്ടായ ചാവേർ ആക്രമണത്തിൽ കൊല്ലപ്പെട്ടവരുടെ എണ്ണം 20 ആയി. സ്ഫോടനത്തിൽ 50 പേർക്ക് പരിക്കേറ്റതായാണ് പോലീസ് പറയുന്നത്. ആക്രമണത്തിന്റെ ഉത്തരവാദിത്തം ഐഎസ് ഏറ്റെടുത്തു.
ഖ്വാല നജറയിലെ ഇമാം സമാൻ പള്ളിയിൽ വെള്ളിയാഴ്ച പ്രാർഥനയ്ക്കെത്തിയവരെയാണ് ചാവേറുകൾ ലക്ഷ്യമിട്ടത്. പ്രാർഥനയ്ക്കായി വിശ്വാസികൾ കാത്തിരിക്കുന്പോൾ ഗെയ്റ്റിലെത്തിയ ചാവേറുകൾ സുരക്ഷാ ഉദ്യോഗസ്ഥരുമായി ഏറ്റുമുട്ടുകയും ഇവരെ കൊലപ്പെടുത്തിയ ശേഷം പള്ളിയിലേക്ക് ഇരച്ചുകയറുകയറി വെടിയുതിർത്തു പൊട്ടിത്തെറിക്കുകയുമായിരുന്നു.