സ്വാശ്രയ മെഡിക്കല് ഫീസ്: മാനേജ്മെന്റുകളുടെ ഹരജി സുപ്രിം കോടതി ഇന്ന് പരിഗണിക്കും
ന്യൂഡല്ഹി: സ്വാശ്രയമെഡിക്കല് പ്രവേശന ഫീസില് ഹൈക്കോടതി നല്കിയ നിര്ദ്ദേശങ്ങള്ക്കെതിരെ മെഡിക്കല് മാനേജ്മെന്റ് അസോസിയേഷന് നല്കിയ ഹര്ജി സുപ്രിം കോടതി ഇന്ന് പരിഗണിക്കും. ജസ്റ്റിസ് എസ് എ ബോബ്ഡെ അദ്ധ്യക്ഷനായ ബെഞ്ചാണ് ഹര്ജി പരിഗണിക്കുന്നത്.
ഹൈക്കോടതി നിശ്ചയിച്ച സ്വാശ്രയ മെഡിക്കല് ഫീസ് പര്യാപ്തമല്ലെന്നാണ് മാനേജ്മെന്റുക ളുടെ വാദം. അഞ്ച് ലക്ഷം രൂപ ഫീസും ആറ് ലക്ഷം രൂപ ബോണ്ടുമായി നല്കാനാണ് നേരത്തെ ഹൈക്കോടതി ഉത്തരവിട്ടിരുന്നത്. നേരത്തെ രണ്ട് കോളേജുകള്ക്ക് 11 ലക്ഷം രൂപ ഫീസ് വാങ്ങാന് സുപ്രിം കോടതി അനുമതി നല്കിയിരുന്നു.
ഇതോടൊപ്പം സ്പോട്ട് അഡ്മിഷന് സുപ്രിം കോടതി നിര്ദ്ദേശങ്ങള് പാലിച്ചല്ല നടത്തുന്നത് എന്ന് ചൂണ്ടിക്കാട്ടി മാനേജ്മെന്റുകള് നല്കിയ ഹര് ജിയും ഇന്ന് പരിഗണിക്കും.