ഹണിമൂണ്‍ ആസ്വാദ്യമാക്കാന്‍
വിവാഹശേഷം ദമ്പതികളുടെ ജീവിതത്തിലെ മറക്കാനാവാത്ത അനുഭവമായിരിക്കും ഹണിമൂണ്‍ എന്നത്. പരസ്പരം മനസിലാക്കാനും അടുത്തറിയാനുമുള്ള സ്വകാര്യ നിമിഷങ്ങള്‍ സമ്മാനിയ്ക്കുന്ന മുഹൂര്‍ത്തം.
ഹണിമൂണ്‍ ഓരോ നിമിഷവും ഓര്‍ത്തെടുക്കാവുന്ന മനോഹര നിമിഷങ്ങളാക്കാനുള്ള ചില വഴികളിതാ
സമ്മാനങ്ങള്‍
സര്‍പ്രൈസിംഗ് സമ്മാനങ്ങള്‍ നല്‍കുന്നത് ഭാര്യയെ, അല്ലെങ്കില്‍ ഭര്‍ത്താവിനെ സന്തോഷിപ്പിക്കുന്ന ഒന്നാണ്. പങ്കാളിയുടെ ഇഷ്ടം മനസിലാക്കിയുള്ള സമ്മാനങ്ങള്‍ക്ക് സന്തോഷം ഇരട്ടിക്കാനാകും. അധികം വില വേണമെന്നില്ല, കൊടുക്കുന്ന സമ്മാനത്തേക്കാള്‍ ഇത് നല്‍കുന്ന സന്ദര്‍ഭവും കരുതലുമായിരിക്കും പങ്കാളിയെ സന്തോഷിപ്പിയ്ക്കുക.
നടക്കാം
ദമ്പതികള്‍ ഒരുമിച്ചു കൈകോര്‍ത്തു പിടിച്ച് ദീര്‍ഘദൂരം നടക്കാം. പരസ്പരം സംസാരിച്ചും തമാശകള്‍ പറഞ്ഞുമുള്ള ഈ നടപ്പ് പരസ്പരം അടുത്തറിയാനുള്ള സ്വകാര്യനിമിഷങ്ങള്‍ കൂടിയാണ്.
കാന്‍ഡില്‍ ലൈറ്റ് ഡിന്നര്‍
കാന്‍ഡില്‍ ലൈറ്റ് ഡിന്നര്‍ ഹണിമൂണ്‍ ആസ്വാദ്യകരമാക്കാനുള്ള മറ്റൊരു വഴിയാണ്. മെഴുകുതിരിയുടെ അരണ്ട വെട്ടത്തില്‍ അഭിമുഖമായിരുന്നു സംസാരിയ്ക്കുന്നതും ഭക്ഷണം കഴിയ്ക്കുന്നതും ദമ്പതിമാര്‍ക്ക് നല്ലൊരു അനുഭവമായിരിക്കും.
വാട്ടര്‍ സ്‌പോര്‍ട്‌സ്
സാഹസികത ഇഷ്ടപ്പെടുന്നവരെങ്കില്‍ വാട്ടര്‍ സ്‌പോര്‍ട്‌സ്, ട്രക്കിംഗ് പോലുള്ള അല്‍പം ത്രി്ല്ലിംഗ് കാര്യങ്ങള്‍ തെരഞ്ഞെടുക്കാം.