ബോഡി ബിൽഡർ ഡാളസ് മക്കാർവർ ഭക്ഷണം തൊണ്ടയിൽ കുടുങ്ങി മരിച്ചു
ഫ്ളോറിഡ: ചാന്പ്യൻ ബോഡി ബിൽഡർ ഡാളസ് മക്കാർവർ(26) ഭക്ഷണം തൊണ്ടയിൽ കുടുങ്ങി മരിച്ചു. ബിഗ് കൗണ്ടി എന്ന പേരിൽ അറിയപ്പെടുന്ന മക്കാർവറെ ഫ്ളോറിഡയിലുള്ള സ്വവസതിയിൽ മരിച്ച നിലയിൽ കണ്ടെത്തുകയായിരുന്നു.
തിങ്കളാഴ്ചയായിരുന്നു സംഭവം. വീട്ടിലെത്തിയ കൂട്ടുകാരിയാണ് മക്കാർവർ അബോധാവസ്ഥയിൽ കിടക്കുന്നത് കണ്ടത്. തുടർന്ന് ആശുപത്രിയിൽ എത്തിച്ചുവെങ്കിലും മരണം സംഭവിച്ചു. തിങ്കളാഴ്ച ഫോണിൽ വിളിച്ച് ഡിന്നർ
തയ്യാറാക്കുകയാണെന്ന് മക്കാർവർ പറഞ്ഞിരുന്നതായി കൂട്ടുകാരിയും ഗുസ്തിക്കാരിയുമായ ഡാൻ ബ്രൂക്ക് അറിയിച്ചു. അവസാനമായി മക്കാർവർ തന്നോട് ഗുഡ് ബൈ പറഞ്ഞുവെന്നും ഡാൻ പറഞ്ഞു. തിങ്കളാഴ്ച രാവിലെ ജിമ്മിൽ പ്രാക്ടീസ് ചെയ്യുന്ന വിഡിയോ മക്കാർവർ ഇൻസ്റ്റഗ്രാമിൽ പോസ്റ്റ് ചെയ്തിരുന്നു.