തടവിൽ കഴിഞ്ഞിരുന്ന ഏഴു പാക് പൗരൻമാരെ ഇന്ത്യ വിട്ടയച്ചു
ന്യൂഡൽഹി: ഇന്ത്യൻ ജയിലുകളിൽ കഴിഞ്ഞിരുന്ന ഏഴു പാക്കിസ്ഥാൻ പൗരൻമാരെ വിട്ടയച്ചു. ഇന്ത്യയിലെ വിവിധ ജയിലുകളിൽ ശിഷാകാലാവധി പൂർത്തിയാക്കിയ തടവുകാരെയാണ് വാഗ-അട്ടാരി ബോർഡർ ചെക്ക് പോസ്റ്റിലൂടെ പാക്കിസ്ഥാനിലേക്ക് അയച്ചതെന്ന് വിദേശകാര്യ മന്ത്രാലയം അറിയിച്ചു.
അതേസമയം, പാക്കിസ്ഥാൻ ജയിലിൽ കഴിയുന്ന ഇന്ത്യൻ പൗരൻ കുൽഭൂഷണ് ജാദവിന് നയതന്ത്ര സഹായം ലഭ്യമാക്കേണ്ടതിന്റെ ആവശ്യകത ഇന്ത്യ ചൂണ്ടിക്കാട്ടി. ഇന്ത്യ മനുഷ്യത്വപരമായ പരിഗണനകൾക്കു പ്രാധാന്യം നൽകുന്നുണ്ടെന്നും പാക്കിസ്ഥാൻ ജയിലുകളിൽ കഴിയുന്ന ഇന്ത്യക്കാർക്ക് കോണ്സുലർ സഹായം ലഭ്യമാക്കാൻ പാക്കിസ്ഥാൻ നടപടി സ്വീകരിക്കണമെന്നും ഇന്ത്യ ആവശ്യപ്പെടുന്നു