ജര്മനിയിൽ എട്ടു വയസുകാരനെ ട്രെയിനിനു മുന്നില് തള്ളിയിട്ട് കൊലപ്പെടുത്തി
Jul 30, 2019, 09:53 IST
ഫ്രാങ്ക്ഫര്ട്ട്: എട്ടു വയസുകാരനെയും അമ്മയെയും അതിവേഗ ട്രെയിനിനു മുന്നിലേക്ക് തള്ളിയിട്ടു .ജര്മനിയിലെ ഫ്രാങ്ക്ഫര്ട്ട് റെയില്വേ സ്റ്റേഷനിലാണ് സംഭവം നടന്നത്. കുട്ടി സംഭവ സ്ഥലത്തുവച്ചുതന്നെ മരിച്ചതായും അമ്മയ്ക്ക് നേരിയ പരിക്കേറ്റതായും പോലീസ് അറിയിച്ചു.
നാല്പതുകാരനായ അക്രമി പോലീസ് പിടിയിലാണ് എന്നാല് ഇയാളുടെ കൂടുതല് വിവരങ്ങള് പുറത്തുവിട്ടിട്ടില്ല. സ്റ്റേഷനിലേക്ക് ട്രെയിന് വരവെ ഇരുവരെയും ട്രാക്കിലേക്ക് ഇയാള് തള്ളി വീഴ്ത്തുകയായിരുന്നു. യുവതി ഉടന് തന്നെ ട്രാക്കില് നിന്ന് മാറിയതിനാല് രക്ഷപ്പെട്ടു.