സ്വിറ്റ്സര്ലന്ഡില് വിനോദസഞ്ചാര വിമാനം തകര്ന്നുവീണു; 3 പേര് മരിച്ചു
Aug 21, 2017, 11:02 IST
ജനീവ: സ്വിറ്റ്സർലൻഡിൽ വിനോദസഞ്ചാര വിമാനം തകര്ന്ന് മൂന്ന് പേര് മരിച്ചു. വലയിസ് കന്റോണിലെ സാനെറ്റ്സ്ച്ച് പാസിൽ വച്ച് ഞായറാഴ്ച ഉച്ചകഴിഞ്ഞാണ് അപകടമുണ്ടായത്. കന്റോണ് ബേണിലെ സീലാൻഡ് എവിയേഷൻ ക്ലബ് ഓഫ് ബീലിന്റെ ഉടമസ്ഥതയിലുള്ളതാണ് വിമാനം. തകര്ന്നുവീണ വിമാനത്തിന് തീ പിടിക്കുകയും ചെയ്തു. അഞ്ച് പേര്ക്ക് യാത്ര ചെയ്യാവുന്ന വിമാനമാണ് ഇത്. അപകടകാരണം അറിവായിട്ടില്ല.പൊലീസ് അന്വേഷണം ആരംഭിച്ചു.ആകാശം തെളിഞ്ഞതായിരുന്നു. എന്നാല് കാറ്റുണ്ടായിരുന്നുവെന്ന് പൊലീസ് പറഞ്ഞു.