അഴുക്കുചാല് വൃത്തിയാക്കുന്നതിനിടെ വിഷവാതകം ശ്വസിച്ച് തൊഴിലാളി മരിച്ചു
Aug 20, 2017, 18:20 IST
ന്യൂഡൽഹി: ഡൽഹിയിൽ ആശുപത്രിയിലെ അഴുക്കുചാല് വൃത്തിയാക്കുന്നതിനിടെ വിഷവാതകം ശ്വസിച്ച് ഒരാൾ മരിച്ചു. ദേഹാസ്വാസ്ഥ്യം അനുഭവപ്പെട്ട മൂന്നു പേരെ ആശുപത്രിയിൽ പ്രവേശിപ്പിച്ചു. ഞായറാഴ്ച ഉച്ചക്ക് 12.30 ന് ലോക് നായിക് ജയപ്രകാശ് നാരായണൻ ആശുപത്രിയിലായിരുന്നു സംഭവം.
റിഷി പാൽ എന്നയാളാണ് മരിച്ചത്. ബിഷാൻ, കിരൺ പാൽ, സുമിത് എന്നിവർക്കാണ് ദേഹാസ്വാസ്ഥ്യം അനുഭവപ്പെട്ടത്. സമാനമായ അപകടത്തിൽ ഒരു മാസത്തിനിടെ 10 പേരാണ് ഡൽഹിയിൽ മരിച്ചത്.