തല് അഫര് പിടിക്കാന് ഇറാഖി സൈന്യം പോരാട്ടം തുടങ്ങി
ബാഗ്ദാദ്: ഇറാഖിലെ തല് അഫര് നഗരം ഐഎസിൽനിന്നു തിരിച്ചുപിടിക്കാൻ ഇറാഖി സൈന്യം യുദ്ധം ആരംഭിച്ചു. കീഴടങ്ങലോ മരണമോ അല്ലാതെ മറ്റൊന്നും ജിഹാദികൾക്ക് മുന്നിലില്ലെന്ന് പ്രധാനമന്ത്രി ഹൈദർ അൽ അബാദി പറഞ്ഞു.ഇറാഖിൽ ഐഎസിന്റെ നിയന്ത്രണത്തിലുള്ള അവസാന പ്രധാന നഗരമാണ് തൽ അഫർ. സൈനിക മുന്നേറ്റം ആരംഭിക്കുന്നതിന് മുന്നോടിയായി നഗരത്തിലെ ഐഎസ് ഒളിത്താവളങ്ങൾ ഇറാക്കി യുദ്ധവിമാനങ്ങൾ ബോംബിട്ടു തകർത്തിരുന്നു. യുദ്ധം കനക്കുന്നതോടെ നിരവധി പേർക്ക് വീടുവിട്ടു പലായനം ചെയ്യാൻ നിർബന്ധിതരായേക്കാം.2014ലാണ് ഷിയ ഭൂരിപക്ഷ പ്രദേശമായ തല് അഫറിന്റെ നിയന്ത്രണം ഐഎസ് പിടിച്ചത്.