അഫ്ഗാനെ ഭൂമുഖത്തു നിന്ന് തുടച്ചുനീക്കാന് കഴിയും : ട്രംപ്
വാഷിംഗ്ടണ്: അഫ്ഗാന് സമാധാന ചര്ച്ചകളില് പാക്കിസ്ഥാന്റെ പങ്കിനെ പ്രശംസിച്ച് യുഎസ് പ്രസിഡന്റ് ഡോണള്ഡ് ട്രംപ്. വൈറ്റ് ഹൗസില് പാക് പ്രധാനമന്ത്രി ഇമ്രാന് ഖാനുമായി കൂടിക്കാഴ്ച നടത്തിയശേഷം മാധ്യമങ്ങളോട് സംസാരിക്കവെയാണ് അദ്ദേഹം പാക്കിസ്ഥാനെ പുകഴ്ത്തിയത്.
‘ ചര്ച്ചകളില് വന് പുരോഗതിയുണ്ടായിട്ടുണ്ട്. ഇതില് പാക്കിസ്ഥാന്റെ പങ്കു വലുതാണ്. അവിടെ യുഎസിന് അനുകൂലമായി നിരവധി കാര്യങ്ങള് സംഭവിക്കുന്നു. അഫ്ഗാനിസ്ഥാനുമായി ഒരു യുദ്ധം വേണ്ടിവന്നാല് അത് ഒരാഴ്ചയ്ക്കുള്ളില് ജയിക്കാന് തനിക്കു കഴിയും. വേണ്ടിവന്നാല് അഫ്ഗാനിസ്ഥാനെ ഭൂമുഖത്തുനിന്നു തുടച്ചുനീക്കാനും കഴിയും. പത്തു ദശലക്ഷം ആളുകളെ കൊല്ലുന്ന പരിപാടിയോടു തനിക്കു താത്പര്യമില്ല. ചര്ച്ചകളിലൂടെ പ്രശ്നം പരിഹരിക്കാനാണ് ഇപ്പോള് ശ്രമിക്കുന്നത് . ഇമ്രാന് ഖാനോടൊപ്പമിരുന്നാണ് ഓവല് ഓഫീസില് ട്രംപ് പ്രതികരിച്ചത് .