ഉപഭോക്താക്കളുടെ എണ്ണത്തിൽ റിലയന്സ് ജിയോ രണ്ടാം സ്ഥാനത്ത്
Jul 20, 2019, 21:57 IST
ന്യൂഡല്ഹി: രാജ്യത്തെ ടെലികോം സേവനദാതാക്കളില് വരിക്കാരുടെ എണ്ണത്തില് റിലയന്സ് ജിയോ രണ്ടാം സ്ഥാനത്ത്. രണ്ടാം സ്ഥാനത്തായിരുന്ന ഭാരതി എയര്ടെല് മൂന്നാം സ്ഥാനത്തേക്കു പിന്തള്ളപ്പെട്ടു.
ടെലികോം റെഗുലേറ്ററി അഥോറിറ്റി ഓഫ് ഇന്ത്യ (ട്രായ്) പുറത്തുവിട്ട കണക്കനുസരിച്ച് റിലയന്സ് ജിയോയ്ക്ക് ഇപ്പോള് 32.29 കോടി വരിക്കാരുണ്ട്. മേയില് 27.80 ശതമാനം വിപണി വിഹിതവുമുണ്ട്.
കഴിഞ്ഞ വര്ഷം ലയനത്തിലൂടെ രൂപീകരിച്ച വോഡഫോണ് ഐഡിയ ആണ് വരിക്കാരുടെ എണ്ണത്തില് ഒന്നാമത്. 38.75 കോടി വരിക്കാര് ഈ സംയുക്ത കന്പനിക്കുണ്ട്.