വ്യാജ ഇന്ത്യന്‍ പാസ്പോര്‍ട്ടില്‍ കുവൈത്തിലിറങ്ങാ൯ ശ്രമിച്ച ബംഗ്ലാദേശ് സ്വദേശി അറസ്റ്റില്‍; പിടിയിലായത് ഇന്‍റര്‍പോളിന്റെ വാണ്ടഡ് ലിസ്റ്റിൽപ്പെട്ടയാൾ
കുവൈത്ത് സിറ്റി: വ്യാജ ഇന്ത്യന്‍ പാസ്സ്‌പോർട്ട് ഉപയോഗിച്ച് കുവൈത്തിലിറങ്ങാ൯ ശ്രമിച്ച ബംഗ്ലാദേശ് സ്വദേശി പിടിയിലായി. ധാക്കയില്‍ നിന്നെത്തിയ ബംഗ്ലാദേശ് സ്വദേശിയെ എമിഗ്രേഷന്‍ വിഭാഗം കസ്റ്റഡിയിലെടുക്കുകയായിരുന്നു.
നാട്ടില്‍ ക്രിമിനല്‍ കേസില്‍ ഉള്‍പ്പെട്ടതിനാല്‍ ഇന്‍റര്‍പോളിന്റെ വാന്‍ഡഡ് പട്ടികയില്‍ ഉള്‍പ്പെട്ടയാളാണ് പിടിയിലായത്. കുവൈത്ത് അന്താരാഷ്ട്ര വിമാനത്താവളത്തിലെ എമിഗ്രേഷന്‍ പരിശോധനയിലാണ് ഇന്ത്യന്‍ പാസ്പോര്‍ട്ട് ഉപയോഗിച്ച് കുവൈത്തില്‍ പ്രവേശിക്കാനുള്ള ബംഗ്ലാദേശ് സ്വദേശിയുടെ ശ്രമം വിഫലമായത്.
മുൻപോ മറ്റൊരു കേസില്‍ കുവൈത്തില്‍നിന്നു നാടുകടത്തപ്പെട്ടയാളാണ് പ്രതിയെന്നും കണ്ടെത്തിയിട്ടുണ്ട്. ബംഗ്ലാദേശ് പൗരന്മാര്‍ക്ക് വിസ വിലക്കുള്ളതിനാല്‍ ആ രാജ്യക്കാരായ നിരവധി പേരെ നേരത്തേയും വ്യാജ ഇന്ത്യന്‍ പാസ്പോര്‍ട്ട് ഉപയോഗിച്ച് കുവൈത്തിലേക്കു കടക്കാനുള്ള ശ്രമത്തിനിടെ പൊലീസ് പിടികൂടിയിരുന്നു.