Times Kerala

ബുമ്രയെ അനുകരിച്ച്‌ മുത്തശ്ശിയുടെ ബൗളിംഗ്,​ വീഡിയോ വൈറല്‍

 
ബുമ്രയെ അനുകരിച്ച്‌ മുത്തശ്ശിയുടെ ബൗളിംഗ്,​ വീഡിയോ വൈറല്‍

ന്യൂഡല്‍ഹി: ഏകദിനത്തിലെ ഒന്നാം നമ്ബര്‍ ബൗളറാണ് ജസ്പ്രീത് ബൂമ്ര. ഇന്ത്യക്കായി ലോകകപ്പിലും മികച്ച പ്രകടനമായിരുന്നു താരം പുറത്തെടുത്തത്. ലോകത്തിന്റെ വിവിധ ഭാഗങ്ങളില്‍ ആരാധകരുള്ള താരത്തെ ഇപ്പോഴിതാ ഒരു ആരാധിക ഞെട്ടിച്ചിരിക്കുകയാണ്. താരത്തിന്റെ വ്യത്യസ്തമായ ബൗളിങ്ങ് ആക്ഷനുമായി സോഷ്യല്‍ മീഡിയ കീഴടക്കിയിരിക്കുകയാണ് ഒരു മുത്തശ്ശി.

ക്രിക്കറ്റ് പന്തിനു പകരം ചെറിയൊരു ഫുട്‌ബോള്‍ കൈയ്യിലെടുത്താണ് മുത്തശ്ശിയുടെ ആക്ഷന്‍. താരത്തിന്റെ റണ്ണപ്പും ആക്ഷനും അതേപടി അനുകരിക്കുന്ന മുത്തശ്ശിയുടെ ദൃശ്യങ്ങള്‍ വൈറലായതോടെ ബൂമ്രയും ഇത് ഷെയര്‍ ചെയ്തിട്ടുണ്ട്. ശാന്ത സക്കുഭായ് എന്ന യുവതിയാണ് ഈ വീഡിയോ ആദ്യം സോഷ്യല്‍ മീഡിയയില്‍ പങ്കുവെച്ചത്.

Related Topics

Share this story