Times Kerala

ഇന്ത്യയുടെ വെസ്റ്റിന്‍ഡീസ് പര്യടനം ഓഗസ്റ്റില്‍ ആരംഭിക്കും

 
ഇന്ത്യയുടെ വെസ്റ്റിന്‍ഡീസ് പര്യടനം ഓഗസ്റ്റില്‍ ആരംഭിക്കും

ലോകകപ്പ് ക്രിക്കറ്റില്‍ നിന്ന് പുറത്തായ ഇന്ത്യയുടെ അടുത്ത മത്സരം വെസ്റ്റിന്‍ഡീസിനെതിരെയാണ്. ഓഗസ്റ്റില്‍ ആരംഭിക്കുന്ന വെസ്റ്റിന്‍ഡീസ് പര്യടനത്തിനായുള്ള തയ്യാറെടുപ്പിലാകും ഇനി ഇന്ത്യ. രണ്ടു ടെസ്റ്റുകളും, മൂന്ന് ടി20 മത്സരങ്ങളും, മൂന്ന് ഏകദിന മത്സരങ്ങളുമാണ് വിന്‍ഡീസ് പര്യടനത്തില്‍ ഉള്ളത് . പര്യടനത്തിനുള്ള ഇന്ത്യന്‍ ടീമിനെ രോഹിത് ശര്‍മയാകും നയിക്കുക. വിരാട് കോഹ്‌ലിക്ക് വിശ്രമം കൊടുക്കാന്‍ ആയിരിക്കും സാധ്യത. ലോകകപ്പില്‍ ഏറ്റ തോല്‍വി ഈ പര്യടനം ജയിച്ച്‌ മാറ്റിയെ മതിയാകു.

പര്യടനത്തിനുള്ള ടീമിനെ ഉടന്‍ പ്രഖ്യാപിക്കുമെന്നാണ് റിപ്പോര്‍ട്ടുകള്‍. ധോണി ഈ പര്യടനത്തില്‍ ഉണ്ടാകുമൊ എന്നാണ് ക്രിക്കറ്റ് ആരാധകര്‍ ഉറ്റുനോക്കുന്നത്. ഈ പര്യടനത്തില്‍ യുവ താരങ്ങള്‍ക്കാകും അവസരം കൊടുക്കുകയെന്നും റിപ്പോര്‍ട്ടുകള്‍ ഉണ്ട്. സഞ്ജു സാംസണ്‍, ശ്രേയസ് അയ്യര്‍, മായങ്ക് അഗര്‍വാള്‍, പൃഥ്വി ഷാ എന്നിവര്‍ക്ക് അവസരം ലഭിക്കുമെന്നാണ് റിപ്പോര്‍ട്ടുകള്‍.

Related Topics

Share this story