Chem 2019 June

ദേശീയ മത്സ്യകർഷക ദിനാചരണം നടത്തി

ആലപ്പുഴ: എല്ലാ വർഷവും ജൂലൈ 10 ദേശീയ മത്സ്യകർഷക ദിനമായി ആചരിക്കുന്നതിന്റെ ഭാഗമായി ജില്ലയിലെ  മികച്ച മത്സ്യകർഷകരെ ആദരിച്ചു. ആഗോള തലത്തിൽ തന്നെ മത്സ്യ കൃഷി രംഗത്ത് വമ്പിച്ച മുന്നേറ്റം സ്യഷ്ടിക്കുന്നതിനും നീലവിലെ പ്രവർത്തനങ്ങൾക്ക് ഊർജ്ജം പകരുന്നതുമായ ‘കാർപ്പ് മത്സ്യങ്ങളിലെ പരിതപ്രജനന സാങ്കേതിക വിദ്യവികസിപ്പിച്ചതിന്റെ ഓർമ്മക്കായാണ് ദേശീയ മത്സ്യകർഷക ദിനാചരണം. ദേശീയ കർഷകദിനം ആചരിക്കുന്നതിന്റെ ഭാഗമായി മത്സ്യകർഷകർക്കുളള ഏകദിന ബോധവൽക്കണം ജില്ലയിലെ മികച്ച മത്സ്യകർഷകരെ ആദരിക്കൽ എന്നീ പരിപാടികൾ എസ്.എൻ.ഡി.പി ഹാൾ, തത്തംപളളിയിൽ നടന്നു. ജില്ലാ പഞ്ചായത്ത് പ്രസിഡന്റ് ജി. വേണുഗോപാൽ ഉദ്ഘാടനം നിർവ്വഹിച്ചു. മത്സ്യകർഷകരെ ആദരിച്ചു.കൗൺസിലർ മഹബൂബ്, ഫിഷറീസ് ഡെപ്യൂട്ടി ഡറക്ടർ  കെ. സുഹൈർ എന്നിവർ പങ്കെടുത്തു. ഡോ. ഷേർളി ക്ലാസ്സുകൾ നയിച്ചു. ജില്ലയിലെ മികച്ച ശുദ്ധജല മത്സ്യകർഷകനായി കെ.ജെ ജോർജ് കുട്ടിയെയും മികച്ച നൂതന കർഷകയായി റോസ്ലിൻ ബെന്നിയേയും തെരഞ്ഞെടുത്തു. കൂടാതെ ജില്ലയിലെ മികച്ച അക്വാകൾച്ചർ പ്രൊമോട്ടറായി  ജോസ് ജോസഫും മികച്ച ജില്ലാതല മത്സ്യമേഖല പ്രവർത്തനങ്ങൾ നടപ്പിലാക്കിയ തദ്ദേശ സ്വയം ഭരണ സ്ഥാപനമായി തുറവൂർ ഗ്രാമ പഞ്ചായത്തും അർഹരായി.

 

Loading...
You might also like

Leave A Reply

Your email address will not be published.