യുവതിയെ അപമാനിക്കാൻ ശ്രമിച്ച കേസ്: ബിജെപി നേതാവിന്റെ മകൻ അറസ്റ്റിൽ
ഹരിയാനയിൽ യുവതിയെ അപമാനിക്കാൻ ശ്രമിച്ച കേസിൽ, ബിജെപി നേതാവ് സുഭാഷ് ബറേലയുടെ മകൻ വികാസ് ബറേലയെ പോലീസ് അറസ്റ്റ് ചെയ്തു. കേസില് വികാസിനെ പ്രത്യേക അന്വേഷണ സംഘം ചോദ്യം ചെയ്തിരുന്നു.വിഷയം പാര്ലമെന്റില് ഉള്പ്പെടെ പ്രതിപക്ഷം ആയുധമാക്കിയതോടെ കേന്ദ്രആഭ്യന്തരമന്ത്രാലയം റിപ്പോര്ട്ട് തേടിയിരുന്നു. അന്വേഷണം ഊര്ജിതമാണെന്നും പ്രതികള്ക്കെതിരെ മുഖം നോക്കാതെ നടപടി സ്വീകരിക്കുമെന്നും ഹരിയാന മുഖ്യമന്ത്രി മനോഹര് ലാല് ഖട്ടര് വ്യക്തമാക്കയതിനും പിന്നാലെയാണ് വികാസിന്റെ അറസ്റ്റ്.മുതിർന്ന ഐഎഎസ് ഓഫീസറുടെ മകളായ 29കാരിയെ ബിജെപി സംസ്ഥാന അധ്യക്ഷൻ സുഭാഷ് ബരാളെയുടെ മകൻ വികാസും സുഹൃത്ത് ആശിഷും വാഹനത്തിൽ അര കിലോമീറ്ററോളം പിന്തുടർന്ന് അപമാനിക്കാൻ ശ്രമിച്ചുവെന്നാണ് കേസ്. പഞ്ചകുലയിൽവച്ച് രണ്ടു യുവാക്കൾ തന്നെ അഞ്ചു കിലോമീറ്ററോളം പിന്തുടർന്നുവെന്ന് കാണിച്ച് കഴിഞ്ഞ വെള്ളിയാഴ്ച രാത്രി യുവതി പോലീസിനെ സമീപിച്ചതാണ് സംഭവങ്ങളുടെ തുടക്കം